Operacioni i Menaxhimit të Fatkeqësive Natyrore bëri një përmbledhje të plotë të situatës 2 javë pas tërmetit të 26 nëntorit. Deri tani ka vetëm një faturë paraprake për dëmet në shkolla e cila ka arritur në rreth 3 miliardë lek ndërsa fatura e plotë e dëmeve pritet të jetë gati në 16 janar. Sa i përket programit të rindërtimit, deri tani janë gati 20 miliardë lekë. Janë strehuar në mënyrë të përkohshme 13294 qytetarë dhe mbi 7 mijë qytetarë gjenden në çadra. Në terren po punohet për inspektimin banesave dhe për këtë janë angazhuar 100 grupe, ku puna ka përfunduar në 14069 objekte, ndërsa 44 të pabanueshme janë shembur. Sipas Bledi Çuçi, Drejtues Qendror i Operacionit për Menaxhimin e Fatkeqësisë Natyrore, në të gjitha zonat e prekura nga tërmeti janë inspektuar14069 objekte. 261 pallate janë dëmtuar rëndë dhe janë të pabanueshme përkohësisht; 2237 banesa janë dëmtuar rëndë dhe janë të pabanueshme përkohësisht; 851 pallate kanë pësuar dëmtime të mesme dhe të lehta. 4618 banesa kanë pësuar dëmtime të mesme dhe të lehta. Janë shembur gjithashtu 44 objekte, kryesisht në qarkun Durrës, të përcaktuara si me rrezikshmëri shumë të lartë. Ndërkohë nga inspektimi i shkollave, 176 objekte shkollore kanë pësuar dëme të lehta; 6 objekte kanë pësuar dëme të konsiderueshme; dhe 36 objekte kanë pësuar dëme të rënda. Përsa i përket planit të rindërtimit Ministri Bledi Çuçi i cili kryeson Operacionet për Menaxhimin e Fatkeqësisë Natyrore u shpreh se janë 20 miliardë lekë për zbatimin e Programit të Rindërtimit, nga të cilat: 13 miliardë lekë nga buxheti i shtetit