Organizata" Trees for Lurë" e kishte përcaktuar ditë më parë që me rastin e festave të 28-29 nëntorit do të ishte në parkun kombëtar të Lurës për të mbjellë pemë e për të përcjellë mesazhin " që duhet ta duam mjedisin". Kësaj nisme i ishte bashkuar edhe aktivisti çek, Pavel Kunc i cili edhe më parë ka ndërmarrë aksionin për pastrimin e Lurës. Por tërmeti i fortë i 26 nëntorit dhe i kobshëm njëkohësisht ku ju mori jetën 51 shqiptarëve, i bëri bashkë këta aktivistë që sërish të kthehen në Lurë këto ditë për të mbjellë pemë në kujtim të viktimave. Janë mbjellë 51 filiza në parkun e Lurës, por ndërkaq gjatë gjithë këtyre ditëve ndihma e organizatës" Trees For Lurë" është fokusuar edhe tek grumbullimi i veshjeve, ushqimeve si dhe ngritja e disa çadrave.