Secili prej nesh mundohet që të gjejë mënyra alternative që të kalojë kohën sa më mirë në këto javë izolim. Disa propozime interesante na vijnë nga Diana dhe Keidi, nënë e bije të dyja eksperte hipnoterapiste, të cilat ofrojnë seanca mjaft të veҫanta gjatë takimeve të tyre virtuale me ndjekës në vende të ndryshme. Izolimi i ka gjetur në Shëngjin dhe po e shijojnë më së miri këtë periudhë, duke medituar apo kërcyer për të larguar sa më shumë stresin dhe frikën nga koronavirus. Ato kanë patur edhe një takim virtual global fundjavën e kaluar, duke ndarë eksperiencat e tyre me njerëz të izoluar në vende të ndryshme të botës. Të dyja kanë një eksperiencë disa vjeҫare si mentore të transformimit njerëzor njerëzor, të hipnoterapisë, meditimit, energjisë harmonike, neuroshkencës dhe kodit njerëzor. Diana jeton në Toronto, Kanada dhe është krijuese e "The ReBORN Experience" ndërsa Keidi jeton në Amerikë.