Shqipëria, sipas ekspertëve të shëndetësisë duket se është në një situatë të favorshme përsa i përket përhapjes së Kovid 19, ndërkohë që kujtojnë se ditën e djeshme ka filluar dhe lehtësimi i masave, zgjatja e fashës së orarit për të bërë pazar apo për t'ju drejtuar farmacive dhe bankave deri në orën 17.30. Vatrat më të nxehta me një numër të konsiderueshëm rastesh vazhdojnë të mbetet Tirana, Durrësi, Shkodër ndërkohë që lajm i mirë nga dita në ditë është rritja e numrit të të shëruarve që lënë spitalin. Situatën e qetë dhe optimiste e dëshmon edhe numri i telefonatave ndërkohë që mbërrijnë në numrin 127. Tani numri i thirrjeve nuk shkon më shumë se 4 mijë telefonata në ditë dhe një pjesë e mirë e tyre është thjesht për tu informuar. Brataj tha se 134 mijë telefonata janë bërë vetëm në muajin mars. Kujtojmë se ditët e para, Qendra Kombëtare e Urgjencës Kombëtare Mjekësore arriti deri në 9 mijë telefonata në ditë, shumica e të cilave ishin telefonata paniku por edhe raste të skeduara si të dyshuara. Por duket se nga data 10 marsi e deri më sot , situata ka ndryshuar. Për të mësuar diçka më shumë rreth situatës konkrete, kishim në një lidhje Skype nga shtëpia, Drejtorin e Urgjencës Kombëtare Mjekësore, doktor Skënder Brataj