Zgjimi herët në mëngjes për shumë njerëz është një tmerr i vërtetë dhe e vuajnë shumë këtë fakt. I duhet të vendosin disa herë alarmin për shkak se duhet të shkojnë në punë, në shkollë apo kudo që kanë angazhimet e tyre. Por nga ana tjetër ka njerëz që janë si një orë me zile, që nuk e kanë aspak problem të zgjohen herët dhe të nisin ditën me shumë optimizëm. Se cila është zgjidhja më e mirë nga këto të dyja, mbetet për t'u diskutuar. Disa studime thonë se zgjimi herët i bën njerëzit më të lumtur dhe më të organizuar në angazhimet e tyre duke qënë se e programojnë ditën më mirë. Sikurse ka edhe studime të tjera që thonë se janë më inteligjentë dhe më të suksesshëm ata që zgjohen me vështirësi. Përgjithësisht është vënë re se ata që merren me aktivitet fizik e kanë më të lehtë të zgjohen herët. Dëshira dhe mundësia për t'u zgjuar varet edhe nga profesioni, pasi dihet që përgjithësisht artistët e kanë të vështirë të zgjohen herët për shkak të angazhimeve deri nmë orët e vona të mbrëmjes. Ne ishim sot me katër personazhe të njohur për të folur për marrëdhënien e tyre me gjumin, por jo vetëm pasi i pyetëm dhe për shumë gjëra personale. Rudina Dembacaj: I pëlqen që të zgjohet herët dhe sidomos pasi është bërë me vajzë e ka të pamundur që të flejë deri vonë. Në përgjithësi ajo është një tip shumë aktiv dhe i pëlqen që ta ketë ditën para. Rosela Gjylbegu: Edhe pse është artiste ajo zgjohet herët në mëngjes sepse i duhet që të shkojë edhe në punë në institucionin ku punon. Por edhe pse është tip i mëngjesit, Roselës po ashtu i pëlqen që të flejë vonë në mbrëmje, duke qënë se kjo e fundit është një lloj rutine për artistët. Rezart Cenaj: Atij i pëlqen të flejë gjumë deri vonë por nuk e lënë dy fëmijët e vegjël dhe punët e bashkisë po ashtu. Edhe pse është kryebashkiak i natës, i duhet që të jetë në punë kryesisht gjatë paradites. Nëse do të ishte në zgjedhjen e tij, do të flinte edhe disa orë më shumë. Sara Karaj: Zakonisht asaj i nevojitet që të flejë deri vonë në mëngjes, përndryshe nuk funksionin siҫ duhet. Por tashmë që është edhe shtatëzënë, i ka ndryshuar rutina dhe nuk fle aq shumë sa do të donte.