Vetëm disa ditë më parë ka nxjerrë një udhëzim të posaçëm se si do të organizohen klasat online dhe se si nxënësit e sistemit parauniversitar do të kenë akses për të marrë mësimet sipas lëndëve përkatëse. Kjo është një formë që është konsultuar gjatë një takimi virtual të ministrisë sonë me 72 ministrat e arsimit të shteteve të ndryshme, përfshirë edhe vendet më të prekura nga koronavirusi, të cilët kanë ndarë eksperiencat më të mira të arsimimit në kushte të mbylljes së shkollave. Zv, Ministrja e Arsmit, Nina Guga tregon se fëmijët janë përshtatur shumë mirë me këtë mënyrë komunikimi të dijes përmes platformave online. "Fëmijët sillen njësoj si të jenë në klasë dhe në këto klasat virtuale. Mësuesit tregojnë se ata kërkojnë leje për të folur, leje për t'u shkëputur për pak minuta nga klasa virtuale (Whats App, skype, sms etj), pra gjithçka funksionon sikur ata janë fizikisht në klasë"- tha zv. Ministrja e Arsimit, Nina Guga.