Ravajol Hasani është një nga shefat shqiptarë të kuzhinës më të njohur në botë i cili jeton në Qipro. Ai ka një eksperiencë të gjatë në fushën e gastronomisë dhe ka marrë jo pak çertifikata e tituj vlerësues. Ravajoli kohët e fundit është vlerësuar nga Parisi si Ambasador i Qipros mes 100 ambasadorëve në të gjithë botën. Po ashtu me projektin e tij të ri në Tiranë ai do të firmosë menunë e tij të parë, e cila do të lançohet në muajt e parë të këtij viti. Ai mban disa çmime ndërkombëtare si ‘Luga e Argjend’, ‘Kapelën e Artë’ dhe ‘Shefi më i mirë i kuzhinës për vitin 2016’...etj. Ai ka pasur mundësinë që të gatuajë për disa personazhe të famshëm, të cilët kanë mbetur të kënaqur nga specialitetet e tij. Ndër ta mund të përmendim: Rihanna-n, Justin Trudeu, Hug Jackman, si edhe shumë këngëtarë apo aktorë grekë. Në muajin mars Ravajoli do të jetë në Çikago, SHBA i ftuar që të gatuajë për personazhe vip në një nga restorantet në listën e "Michelin Guide". Këtë eveniment e ka cilësuar si një nga më domethënësit dhe më të rëndësishmit në karrierën e tij. Ndërkohë ka vetëm tre ditë që është në Shqipëri dhe ne kemi mundësi që të bëjmë një bisedë të këndshme lidhur me arritjet e tij më të fundit nëpër botë.