Përhapja e koronavirusit në Shqipëri ka bërë që njerëzit të vetizolohen në shtëpitë e tyre. Që prej javës së shkuar në fakt kemi pasur lidhje të ndryshme skype me personazhet publik të cilët vazhdimisht japin mesazhe sensibilizuese për situatën aktuale. Por këngëtarja Marsela Çibukaj veç mesazheve sensibilizuese ka ardhur me një ide gjeniale, të veçantë pasi për të qenë sa më afër ndjekësve të saj, ajo ka vendosur të sjellë "koncerte" live nga shtëpia me anë të rrjeteve sociale, kryesisht Instagramit dhe këtë e ka bërë që prej ditës së enjte, datës 12 mars. Sigurisht në "koncertet" apo muzikën live nga shtëpia ajo shoqërohet nga kantautori dhe kitaristi Vitmar Basha, të cilët prej kohësh tashmë kanë bërë publike lidhjen e tyre. Pra për të gjithë ata që duan të ndjekin pa pagesë Marselën dhe Vitmarin, do t'i gjejnë live çdo pasdite në Instagram për të ndryshuar rutinën e pasdites sidomos të atyre që janë të pasionuar pas muzikës. #unëqëndrojnështëpi #rrinështëpi #dojadalim