Prej të paktën dy muajsh, ujërat e Liqenit të Ohrit në bregun shqiptar kanë nisur të tërhiqen. Sipas ekspertëve ky është një dëm i madh që i shkaktohet ekosistemit. Tërheqja e ujërave të liqenit të Pogradecit vjen nga shfrytëzimi abuziv i liqenit për prodhim energjie elektrike në Maqedoninë e Veriut, duke u shkelur dhe marrëveshja e nënshkruar me UNESCO-n në vitin 1980, për ruajtjen dhe mbrojtjen e kësaj trashëgimie botërore natyrore dhe kulturore. Megjithëse dy shtetet kanë rënë dakord për menaxhimin e përbashkët të liqenit, ende nuk ka një zgjidhje që Ohri të mbrohet si një i tërë, tani që i gjithë ky liqen është edhe pasuri e UNESCO-s.