Pavarësisht kujdesit maksimal që mjeku i neurologjisë dhe shef i repartit të Neurologjisë në Spitalin Regjional “Isa Grezda” në Gjakovë ai u infektua me Kovid-19 gjatë kohës që ishte në vijën e parë të frontit të luftës ndaj koronavirusit. Por fatkeqësisht ai e dërgoi virusin edhe në shtëpi. Pas tij edhe vajza 20-vjeçare rezultoi po ashtu e infektuar. " Vajza pati simptoma të lehta. E mora lajmin që dhe vajza ëhstë pozitiv në momentin që isha i shtruar në klinike dhe sigurisht u shqetësova shumë por duke e ditur se mund ta përballojë dhe ajo mund t'i respektonte rregullat dhe psikologjikisht do të site e fortë do ta kalonte. Kemi qenë vazhdimisht në kontakt me njëri tjetrin. Me këtë rast dua të falenderoj bashkëshorten time, e cila u shërbeu dy të sëmurëve me Kovid dhe arriti të ruajë djalin dhe veten të mos infektohet. Tani jemi të izoluar secili në mjedise të ndryshme të shtëpisë."- tha doktor Jetishi. Ndërkohë ai thotë se prej kohësh po pret që Instituti i Shëndetit Publik në Kosovë të vijë sa më shpejt t'i bëjë tamponin vajzës së tij pas terapisë nëse është negativ apo vazhdon të jetë pozitiv. "Do të ndikonte shumë mirë psikologjikisht tek vajza nëse do vinin t'ja bënin tamponin sërish. Kam kaq kohë që po e kërkoj:"- tha ai.