Mëngjesin e sotëm në “Wake Up” ishte në një lidhje artisti i ri nga Kosova, Kushtrim Kelani. Ai ka rreth 10 vite që merret me muzikë dhe është më shumë i dhënë pas punës në studio ndërsa në vitin 2017 u shpall fitues i Festivalit “Zambaku i Prizrenit” teksa provoi veten si këngëtar. Prej kohësh ai ka tërhequr vëmendjen për cover-at e publikuara në Instagramin e tij, ku fillimisht ka zgjedhur të këndojë covera në turqisht e më pas covera të artistëve të ndryshëm shqiptarë. Pasi ka bërë për vetë mijëra ndjekës në rrjetet e tij sociale, Kushtrimi vetëm brenda vitit 2020 ka sjellë tre videoklipe, këngën “Ke lujt” , “Pak dashni” dhe “Pa ty”. Përgjatë bisedës Kushtrimi rrëfeu se është duke punuar për projekte të reja dhe se shumë shpejt do sjellë projektin e ri surprizë.