Sot mbushet plot 1 vit nga tërmeti i 26 nëntorit, që preku në mënyrë direkte dhe indirekte 202 mijë persona dhe që shkaktoi një bilanc me 51 viktima dhe 913 të plagosur. 11 bashki u prekën, duke përfshirë dy nga më të mëdhatë e të populluarat si Tirana dhe Durrësi. Pasojat u ndjenë, gjithashtu, në bashkitë e Shijakut, Krujës, Kamzës, Kavajës, Kurbinit, Lezhës, Rrogozhinës dhe Mirditës. Qeveria premtoi një program ambicioz për rindërtimin, madje krijoi edhe një ministri të posaçme me të njëjtin emër për mbarëvajtjen e procesit. 1,1 miliardë euro u premtuan nga donatorët në formën e kredive të buta dhe granteve. Por, një vit pas tërmetit, rindërtimi ka nisur vetëm më fondet e buxhetit. Sipas Emiriana Sako, kryetar e Bashkisë së Durrësit, në një lidhje direkte me Wake Up, tha se bashki është pothuajse drejt fundit të granteve të rikonstruksionit. Është dhënë ndihmë për 9300 familje nga 10 mijë familje fituese. Ndërkohë ka nisur një proces tjetër i rëndësishëm, rehabilitimi i mjediseve të përbashkëta në godinat e dëmtuara. Janë rreth 770 pallate ku ndërhyhet përmes riparimit të shkallëve, ashensorëve, muraturave të brendshme që ndajnë apartamentet dhe fasadat. Kjo është shoqëruar me grantet e rikonstruksionit të cilat ua janë dhënë ‘kesh’ banorëve në dorë për të bërë riparimet e brendshme. Veç këtyre, paralelisht ka vijuar puna edhe për rindërtimin e shkollave