Në përditshmëri, shtëpi, financa dhe jetë si ndikoi karantina dhe çfarë të mirash solli për ne. Në jetën e përditshme na ka mësuar se duhet të lajmë duart. Mësuam se rakia nuk është dezinfektant për duart por për fytin, pasi përqendrimi i alkoolit nuk shkon më shumë se 48 përqind. Mësuam të gjitha llojet dhe kodet e maskave, madje edhe ato me karbon aktiv. Në karantinë u bëmë mjekë. Karantina na mësoi se mund të jetohet edhe pa kaluar orë në kafe. Gratë dhe vajzat mësuan se jetohet dhe pa bërë 56,874 foto për Instagram. Nga gjithë populli ushtar u kthyen në gjithë populli kuzhinier. Burrat mësuan sesi përdoret fshesa dhe se xhamat nuk i lan shiu. Kuptuam rëndësinë e internetit. Madje edhe më të moshuarit u perfeksionuan në Facebook apo Skype. Karantina na bashkoi mbitë gjitha me familjen dhe na tregoi se mund të zbavitemi dhe të kalojmë kohë të këndshme edhe me familjen. Izolimi u mësoi prindërve këngën e famshme “Baby Shark”, në të gjitha orkestrimet muzikale dhe gjuhët e botës. Në karantinë shqiptarët mësuan si shqiptarë të qëndrojmë në radhë përpara bankave, postave, dyqaneve, farmacive. Por mbi të gjitha dhe mbi gjithçka mësuam se sa shumë e duam dhe sa vlerë ka për njeriun liria.