Shqiptarët duket se u janë përshtatur shpejt masave shtrënguese që imponoi epidemia e Kovidi 19, ndërsa mendojnë se izolimi dhe kriza nga pandemia do të ndikojnë negativisht në financat e tyre familjare. Tetë në dhjetë persona të pyetur e mendojnë këtë gjë. Ndërsa thuajse të gjithë të vetë punësuarit, duket se nuk shohin dritë në fund të tunelitGjetjet janë rezultat i dy sondazheve (IDRAPOLL), të kompanisë “IDRA Research & Consulting” për kërkime tregu dhe shërbime këshillimore. Kompania shqiptare hodhi në platformën e vet pyetje që kishin si qëllim të eksploronin ndryshimet e mundshme të sjelljes së qytetarëve si rrjedhojë e situatës së krijuar nga Kovidi 19, por edhe pritshmëritë e tyre përsa u përket financave familjare.