Këtë mëngjes ishim në shtëpinë e këngëtarit Korab Shaqiri, të cilin herën e fundit e kemi pasur në studio në shkurt të këtij viti, kur publikoi këngën “Biri im”. Prej 10 ditësh ai ndodhet në izolim, (shtëpi) pas infektimit me Covid të bashkëshortes së tij. Ai ka pasur simpotma shumë të lehta dhe në testet e kryera ka rezultuar dy herë negativ. Ai do të vazhdojë të qëndrojë i izoluar deri në kryerjen e testit të radhës së bashku me bashkëshorten gjatë kësaj fundjave për të mos rrezikuar ata që e rrethojnë. Koha e karantinës atij i ka shërbyer dhe për të nisur një libër dedikuar babait të tij këngëtarin e njohur Ilir Shaqiri. Korabi na zbuloi sot jo vetëm përditshmërinë e tij në izolim por dhe disa detaje nga libri që po shkruan për babnë e tij, po aq i dashur dhe i njohur për publikun.