Ndryshimet e fundit që i janë bërë Ligjit “Për Mbrojtjen nga Diskriminimi”, kanë shtuar disa shkaqe të reja të diskriminimit, ndërsa kanë përcaktuar edhe forma të reja të diskriminimit. Shtetësia, jetesa me HIV/AIDS dhe pamja e jashtme, por edhe diskriminimi i shumëfishtë, diskriminimi ndërsektorial, gjuha e urrejtjes, segregimi dhe ngacmimi seksual; janë disa nga këto forma të reja. Ndërkohë ndryshimet në Ligjin “Për Mbrojtjen nga Diskriminimi” u mundësojnë gjithashtu organizatave të shoqërisë civile të paraqesin ankesa drejtpërdrejtë pranë institucionit të Komisionerit për Mbrojtjen nga Diskriminimi. Robert Gajda, Komisioner për Mbrojtjen nga Diskriminimi tha se pranë institucionit që ai drejton vijnë ankesa për karakteristika të seksit, sidomos nga persona interseks, që kanë persona që kanë lindur dhe i mbartin të dy sekset që në lindje dhe na ka rezultuar se ka shumë probleme. Për pamjen e jashte gjithashtu kemi pasur raste sepse na ka rezultuar që dikush është diskriminuar sepse kishte një anomali fizike që nuk mund ta konsideroje gjenetike, as dhe aftësi e kufizuar. Kemi pasur gjithashtu raste me persona që kanë tatuazhe apo pirsing që nuk janë marrë në punë për këtë arsye. Përkatësia politike gjithashtu është një nga shkaqet e diskriminimit"- tha Komisioneri Gajda.