Anëtarët e Aleancës për Media Etike (AME) kanë zgjedhur anëtarët e bordit të etikës që do të gjykojë mbi ankesat dhe rastet e tjera të shkeljes së etikës nga mediet online. Ky është një hap para qeverisë që po përgatit nga ana e saj ndryshime ligjore përmes të cilave do të krijohet një bord etike nga Parlamenti me propozim të Qeverisë me synim monitorimin e medies online. (Në përbërje të bordit të etikës së AME u zgjodhën pesë anëtarët: Dorian Matlija, avokat; Mark Marku, pedagog nga Departamenti i Gazetarisë dhe ekspert i etikës; Klodiana Kapo nga Faktoje.al, Alice Taylor nga Exit.al si dhe Lorin Kadiu nga Citizens-Channel). Bordi, i votuar pa kundërshtime nga anëtarët e Aleancës, do të shqyrtojë ankesat e qytetarëve për mediat e Aleancës dhe rekomandimet e veta do t’ia përcjellë medias përkatëse.