Ajo e ka pasion të madh gatimin dhe preferon të gatuajë vetë në shtëpinë e saj dhe pse përpiqet që të respektojë njëfarë diete me ushqimet që shtron në tryezën e ngrënies pasi kilogramët e tepërt nuk gjejnë vend tek një sportiste si Klodiana Shala. Sot në fakt do të jemi në një lidhje skype me të, pasi përgjatë këtyre ditëve gjesti i saj i veçantë dhe emocionues ka tërhequr vëmendjen e të gjithëve…Pak ditë më parë ajo ka “thyer” vetizolimin për një arsye të rëndësishme. Sportistja ka prishur rehatinë e të ndenjurit në shtëpi, ndoshta duke marrë edhe ndonjë rrezik përsipër në një situatë të vështirë që ndodhemi dhe ka shkuar në Qendrën Ambulatore Kamëz, ku e veshur me dorashka dhe maskë në fytyrë, ajo i ka shpërndarë stafit mjekësor gatimet e bëra prej saj si shenjë falenderimi duke qenë se mjekët dhe infermierët janë në vijën e parë të luftës kundër koronavirusit.