Sapo janë identifikuar rastet e para në Maqedoninë e Veriut duket se njerëzit nga paniku janë dyndur nëpër markete dhe dyqave për të blerë agrume dhe sidomos hudhra dhe qepë. Në një lidhje skype, Egzon Ademi, kimist asistent profesor në Universitetin e Tetovës na tregoi për situatën në Maqedoni. "Në dyqanet në Tetove nuk gjen as agrume dhe sidomos hudhra. Dua të jap një mesazh si kimist që jam, hudhra nuk ndihmon në luftën ndaj koronavirusit përkundrazi nëse ajo merret në sasi të mëdha dëmton më shumë sesa ndihmon. Po ashtu edhe marrja e suplementeve me vitamina nuk ndihmon në këtë situatë."-tha profesori i kimisë duke shpjeguar se cila është dieta ushqimore më e mirë për të rritur imunitetin.