Tërmeti i 26 nëntorit i ka tronditur të gjithë dhe padyshim ka bërë që në këto ditë të vështira për vendin mes shqiptarëve të ketë më shumë vëmendje dhe mbi të gjitha solidarizim… Të gjithç janë mobilizuar për të ndihmuar dhe e gjatë është lista e personazheve publik, si Bes Kallaku, Ermal Fejzullahu, Noizy, Capital T, Emina Çunmulaj, Stresi, Xhesika Berberi, Adrola Dushi, Labinot Tahiri, Alban Skënderaj dhe Miriam Cani, Kledi Kadiu, Angela Martini etj, por sot më shumë se kurrë është rasti të ndajmë aq sa mundemi për të qenë sa më pranë të prekurve nga tërmeti. Historia e pensionistes nga Gjirokastra, Xhevahire Xhiku e cila dha pensionin e saj për të dëmtuarin nga tërmeti ishte një gjest solidar dhe emocionues. Xhevahirja jeton vetëm me bashkëshortin ndaj vendimin për të dhënë pensionin prej 15 mijë lekësh e mori bashkë më bashkëshortin. Historia e Xhevahires është kaq emocionuese. Ajo tregoi arsyet se përse mori këtë vendim pavarësisht se do ti duhet të heqë dorë nga shumë gjëra gjatë këtij muaji, edhe pse jemi në prag festash.