Ndërsa virusi i ri, Convid19, tashmë ka mbërritur edhe në Shqipëri e gjithë bota tashmë i ka sytë tek ata që po merren me zbulimin e vaksinës që do të luftojë këtë virus. Vetëm pak javë më parë ne ishim në një lidhje skype me një nga përfaqësuesit e kompanisë Geovax në ShBA, kërkuesin shkencor, një nga ekspertët më njohur në fushën e bioteknologjisë, virologun dhe drejtorin e departamentit të vaksinave pranë kompanisë (Geovax), Arban Domi. Ai na tha se stafi me të cilin ai po punon është duke përgatitur vaksinën e re, por në ç'faza është aktualisht kjo vaksinë dhe kur do të testohet kishim në një lidhje skype nga Atlanta e SHBA-së, Arban Domi, Drejtor i Departamentit të Vaksinave, Geovax. Arban Domi është diplomuar në Universitetin e Tiranës në degën e Biologjisë( 1987). Ka mbrojtur doktoraturën në Universitetin e Parisit në 1995. Fillimisht ka punuar si specialist në Laboratorin e Gjenetikës pranë Qendrës Spitalore Universitare" Nënë Tereza"(1996-1997). Ka punuar si kërkues shkencor pranë Institutit Jaques Monod, Paris (1996-2000). Kërkues shkencor pranë Institutit Nacional të Shëndetit, shteti i Marylandit, SHBA (200-2008). Kërkues shkencor pranë Institutit Ndërkombëtar kundër sëmundjes së SIDA-s, New York, SHBA (2008-2013). Dhe së fundmi që prej 2013 është Drejtor i Departamentit të vaksinave, në Atlanta, Shteti i Georgia, SHBA.