Mëngjesin e sotëm në “Wake Up” ishte këngatarja e talentuar e cila ka spikatur në “The Voice Albania 4”, Nilsa Hysi. Në muajin gusht Nilsa ka prezantuar këngën e saj “Wednesday 3pm” e cila për një kohë të shkurtër është renditur në vendin e 14-të të listës së Top Awards në Top Channel. Ajo rrëfeu se për këtë këngë ka nisur të punojë rreth një vit më parë, pasi ka preferuar ta realizojë ashtu siç e kishte menduar dhe për shkak të pandemisë u desh të shtyhej edhe më shumë. “Zgjodha të bashkëpunoj me Alban Ramosaj sepse më pëlqen shumë stili i tij, i përshtatej shumë këngës dhe mbi të gjitha e kam mik. Fryma e Albanit në këtë këngë rrinte shumë mirë”. Ajo rrëfeu se aktualisht është duke punuar për një tjetër këngë krejt ndryshe, është këngë ritmike, energjike dhe mund të tingullojë dhe pak komerciale.