Pas Shkodrës do të shkojmë në Kosovë, aty ku prej disa ditësh janë ashpërsuar edhe më shumë masat ndërkohë që numri i të infektuarve vazhdon të rritet. Këtë mëngjes do të ndalemi pikërisht në Ferizaj, në shtëpinë e këngëtarit Jetmir Hyseni i cili u infektua nga ky virus kur ka udhëtuar për punë drejt Gjermanisë me datë 12 mars. Më pas ai është kthyer në Kosovë dhe i është nënshtruar procesit të karantinës si të gjithë bashkë udhëtarët e tjerë, duke qëndruar në konviktin e studentëve në Prishtinë dhe me datë 20 mars gjendja e tij shëndetësore është përkeqësuar, ku më pas ka rezultuar pozitiv me Covid -19. Pas kësaj periudhe ai ka qëndruar 23 ditë në spital dhe deri më tani ka bërë 2 teste të cilat për fat të mirë janë negativ. Prej 10 ditësh tashmë ai është vetizoluar në shtëpinë e tij, për të përfunduar 14 ditët e izolimit pas daljes nga spitali.