Mëngjesin e sotëm në “Wake Up” në Top Channel ishte këngëtari Ervin Bushati i cili që në moshën 17-vjeçare së bashku me pjesëtarët e tjerë ka krijuar grupin “Mister”. Për rreth 10 vite ai ka qenë pjesë e këtij grupi dhe më tej ka vijuar me karrierën solo. Fundjavën që lamë pas ai solli në një remake këngën “Molla” për të cilën u shpreh: “Nuk e kam bërë për klikime. Më kishte mbetur peng për ta sjellë në mënyrë më cilësore dhe si ide lindi gjatë karantinës duke e biseduar me Dj Vin Veli. Çifti në klip është burrë e grua dhe për ta “molla” është një tatuazh në zemër. “Molla” ia vlen të sillet bukur edhe pse në atë kohë është quajtur këngë erotike”.