Kastro Zizo ishte i ftuar sot në "Wake Up" ku ndër të tjera foli për projektin e tij më të ri muzikor. Bëhet fjalë për këngën "Jemi bashkë", një bashkëpunim me Brajan, një djalë i talentuar 12 vjeçar. "Kjo këngë ka një mesazh sensibilizues për brezin e ri, për atë që do të na drejtojë pas 15 vitesh"- shprehet Kastro. Teksti i kësaj kënge është bërë gjatë kohës së pandemisë dhe është një dedikim për vendin, për natyrën, për veset, për situatën që po kalojmë. Edhe më herët Kastro ka bashkëpunuar me artistë të rinj duke i përkrahur për të shprehur talentin e tyre në muzikë. Po ashtu ai është i angazhuar edhe me "Urta Fest", një festival që promovon talentet e reja të muzikës Hip-Pop.