Wake Up/ Kënga “Djali” i dedikohet bullizmit. Adolf Lleshaj: Në Tiranë ka ndodhur të bullohem

Ai ka qenë pjesë e “The Voice Kids 2018” me mentore Miriam Cani deri në netët live. Këngëtari 17-vjeçarë, Adolf Lleshaj në fund të muajit gusht ka realizuar projektin e tij të parë muzikorë me titullin “Djali” i cili aktualisht është pjesë e “The Top List” në Top Channel në vendin e 10-të. Ai e ka shkruar vetë tekstin e këngës dhe përgjatë bisedës në “Wake Up” u shpreh: “Këngën time të parë “Djali” ia kam dedikuar bullizmit, pasi të gjithëve na ka ndodhur të biem pre e tij. Bullizmi ndodh shumë në shkolla dhe më i theksuar është në Tiranë. Unë jam rritur në Burrel dhe atje nuk e kam përjetuar shumë. Nuk më pëlqen fakti që gjykohemi nga pamja që kemi apo nga historia e gjithësecilit nga ne. Dua që këngët e mia të kenë një mesazh në mënyrë që njerëzit që më dëgjojnë t’i ndihmoj me anë të tekstit që shkruaj, t’ju dhuroj disa momente optimizmi”.