Mëngjesin e sotëm ishte e ftuar në “Wake Up” në Top Channel aktorja dhe moderatorja Jonida Vokshi. Për herë të parë ajo rrëfeu detajet e dasmës të mbajtur në 14 shtator të vitit 2019, (5 muaj më parë), ku tha se që nga lidhja e saj me Besnikun e deri te dasma ka ardhur gjithcka natyrshëm. Ajo theksoi se ishte më shumë rëndësi për ata që në dasmë të kënaqeshin të gjithë. Jonida u shpreh se të gjithë kanë kontribuar në dasmë duke krijuar një atmosferë të bukur. Ajo theksoi se Besniku është shumë i rezervuar dhe nuk donte që detajet përgjatë dasmës të zbuloheshin, por më tej tha le të shkojë gjithçka siç duan. E pyetur nëse e kanë parë videon e dasmës, Jonida tregoi se natën e Vitit të Ri sëbashku me familjarët e tyre kanë parë videon e dasmës dhe janë kënaqur pafund nga momentet e bukura dhe gazmore.