Këto dy muaj në izolim moderatorja Jonida Shehu ia ka dedikuar tërësisht vajzës së saj Kristal. Tashmë Kristal është rreth 3 vjeҫ e gjysmë dhe ka filluar që të ketë edhe kërkesat apo preferencat e saj. Në këto ditë izolimi atyre iu pëlqen që të zgjohen pak më vonë sesa zakonisht por sot atotë dyja u zgjuan herët për të biseduar me ne në Wake Up. "Këto dy muaj e kam njohur Kristalin siç nuk e kisha njohur. Ne gabojmë kur themi se është e vështirë të menaxhosh një fëmijë, sepse nuk është në fakt, thjesht duhet të jesh 24 orë në dispozicion të tij dhe gjithmonë të gjesh gjuhën me të. Ngritja e zërit, ndëshkimet etj nuk funksionojnë. Unë kam përdorur variantin e të disiplinuarit me shpërblime të vogla. Kam mbushur frigoriferin me akullore dhe kausha dhe sa i herë i kërkoj diçka i përmend se pas drekës do të marrë një akullore dhe deri tani ia kam dalë."