Ajo i ka prekur skenat e festivaleve muzikore për fëmijë në moshën 8-vjeçare, ku ka marrë pjesë tek “Edicioni i 16-të i zërave të rinj të Tiranës”, duke u vlerësuar me çmimin e tretë dhe që prej asaj kohe nuk i është ndarë skenës duke marrë pjesë në aktivitete të ndryshme. Redina Trieshi me 12 tetor ka publikuar këngën e saj të parë me titull “Vetëm” me tekst dhe melodi nga vetë ajo. Redina prej dy javësh i është bërë pjesë e listës së artistëve të rinj të Top Music Awards në Top Channel, duke iu bashkuar klasifikimit të 100 këngëve më të bukura të muzikës moderne shqiptare dhe aktualisht ndodhet e rendituar në vendin e 14-të. Prej disa vitesh ajo jeton dhe studion në New York, për Marketing dhe Muzikë (Teori Kompozimi).