Evropa po shënon shifra të frikshme të infektimeve me Covid19 nga dita në ditë, por edhe shumë viktima. Irlanda ka rikthyer sërish izolimin, Spanja, Franca, kanë nisur masat kufizuese dhe zbatimin e protokolleve të reja AntiCovid, ndërkohë që pjesa tjetër e Evropës po monitoron situatën dhe po harton skenarët për një rimbyllje të dytë.. Sipas ekspertëve të shëndetit publik vala e dytë që u paralajmërua tashmë po përjetohet nga shumë shtete. Por krejt tjetër duket situata në Kinën e largët, e në veçanti në qytetin e Wuhanit, në provincën e Hubeit aty ku nga nisi gjithçka. Situata duhet shumë e qetë, në Wuhan asnjë rast i konstatuar pozitiv, ndërkohë që të gjitha aktivitetet zhvillohen në normalitet të plotë. Ndërkaq ashtu si është njoftuar gjatë gjithë muajve të pandemisë edhe në Kinë, grupe shkencëtarësh dhe ekspertësh nisën nga puna për krijimin e vaksinave Anti Covid-19, dhe duket se shumë shpejt ajo do të jetë gati për t'i dhënë fund pandemisë.