Pandemia, në valën e dytë të saj po godet sërish fuqishëm shtetet evropiane. Shtetet fqinje si Italia, Greqia, Mali i Zi, Maqedonia e Veriut kanë nisur kufizimet si pasojë e numrit të lartë të infektimeve dhe humbjeve të jetëve. Që prej ditës së shtunë Greqia ashtu si u paralajmërua nisi" lock-doën" e dytë për këtë vit, i ngjashëm me atë të muajit mars. Kjo karantinë sipas autoriteteve greke do të jetë fillimisht për 3 javë deri në 30 nëntor, ndërkohë që nuk dihet nëse do të vazhdojë edhe më tej nisur edhe nga situata epidemiologjike që do të jetë ne vend. Qeveria e Mitsotaqis teksa ka prezantuar masat kufizuese të këtij izolimi të dytë, ka prezantuar edhe masat ekonomike lehtësuese për kategoritë që nuk kanë të ardhura, apo edhe për ata që do të humbasin punën si pasojë e pandemisë. Por çfarë parashikon rikthimi i karantinës... si e kanë pritur shtetasit grekë, por edhe ata mijëra shqiptarë që jetojnë atje. Ç'farë do të bëhet me punonjësit sezonalë, ndërkohë që bllokimi i punës është shoqëruar së fundmi edhe me protesta në disa rajone të Greqisë.