Olti Curri, një nga miqtë e programit tonë ndodhet në izolim dhe sot do ta kemi të pranishëm përmes një lidhjeje në skype në një nga ambientet e shtëpisë së tij. Ai vazhdon të jetë shumë aktiv në rrjetet sociale përmes fotove e videove që lidhen me situatën e koronavirus. Jo pak herë bëhet edhe vetë protagonist duke u shfaqur e duke konsumuar diҫka, i shtrirë në krevat, teksa del për ajër në ballkon apo duke komentuar lidhur me tematika të ndryshme. Kjo është një mënyrë e mirë për të mbajtur në koherencë ndjekësit e tij, jo vetëm me batuta e humor por edhe duke i informuar ata. Por ndërkohë sot Oltin do ta shikojmë edhe në ekranin e Top Channel në finalen e spektaklit "Top Talent", ku ai është një ndër anëtarët e jurisë që ka dhuruar shoë me komentet por edhe me performancat e tij. Ndër të tjera, Oltin e kemi parë edhe të performojë në kërcim apo të bëjë joga e ushtrime të ndryshme gjimnastikore. Por çfarë po ndodh me jetën në izolim të blogerit dhe gazetarit Olti Curri.