Ajo është një mikeshë e programit tonë me të cilën shpeshherë ndajmë aktivitete të ndryshme të qytetit të Korçës. Po flasim pikërisht për aktoren Zamira Kita e cila me datë 7 mars është kthyer nga Greqia dhe nga frika e Kovid -19 është vetizoluar për 14 ditë. Ajo që pas ardhjes nga Greqia ka ruajtur distancën me bashkëshortin dhe vajzën, si dhe secili prej tyre i ka përdorur në mënyrë të ndarë të gjitha sendet e nevojshme. Zamira edhe pse tashmë ka kaluar 14 ditë në izolim të cilat janë ditë të detyruara, ka zgjedhur të mos dalë fare nga shtëpia, pasi tashmë sot numëron 24 ditë si “shtëpiake”. Ditën e djeshme, pikërisht me datë 1 prill Zamira ka festuar ditëlindjen. Por se si ka qenë kjo periudhë për të dhe si ishte të festosh ditëlindjen në karantinë. Zamira Kita na tregoi gjithçka për veten në izolim.