Sidrit Gjoka është djali nga Thumana i cili ka mbetur pa shtëpi që nga 26 nëntori kur tërmeti "gjigand" siç thotë ai në letrën e tij i shkatërroi shtëpinë dhe shkollën. Letrën e Sidritit e lexuam sot në Wake Up. Moderatori Isli Islami nuk i mbajti dot lotët teksa lexonte se çfarë i kërkonte Sidriti babagjyshit për festat e fundvitit. Ja çfarë shkruan Sidriti: I dashur babagjysh, Gëzuar Vitin e Ri 2020! Unë që po të shkruaj quhen Sidrit. Jam në klasën e tretë. Kam disa ditë që nuk po shkoj në shkollë, sepse shkolla ime në Thumanë është e shkatërruar nga tërmeti gjigand që shkatërroi shumë shtëpi dhe shkolla dhe bëri shumë fëmijë të qajnë... Do doja shumë të vije tek unë o babagjysh se s'kam më asnjë lodër. Të gjitha mi ka zënë tavani i shtëpisë. Edhe lodrën time të preferuar, makinën e kuqe me telekomandë se kam më. Ah, dua edhe një kukull për motrën time të vogël të lutem...