Problematika e lumenjve në vendin tonë vitet e fundit ka qenë alarmante. Specialistët e mjedisit herë pas here kanë ngritur shqetësimin se lumenjtë në vendin tonë janë kthyer në vende depozitimi të mbetjeve, një pjesë janë gërryer për materiale inerte dhe shumë prej tyre janë dëmtuar nga ndërtimi i hidrocentraleve. Përballë kësaj situate, sot në 18 tetor, për herë të parë në Tiranë do të diskutohet me shkencëtarë nga e gjithë bota për situatën e lumenjve të egër, ndërkohë që në mbrëmjen e sotme që ka marrë dhe emrin "Nata e lumenjve të egër" do të arrihet në konkluzione se çfarë masash duhet të ndërmerren për ndryshimin e kësaj panorame aspak të mirë.