Dhuna ndaj grave gjatë pandemisë është shtuar sipas aktivistes Ilir Luarasi, ndërkohë që shifrat e policisë tregonin të kundërtën. "Gjatë pandemisë linja 116-117 ne patëm një trefishim të telefonatave që raportonin rase dhune brenda familjes, ndërkohë që shifrat e policisë tregonin rënie të këtyre rasteve krahasuar me një vit më parë. Dhe kjo ishte një situatë edhe n shumë vend të Evropës: Të gjitha këto vende kishin më pak raportime në polici krahasuar me një vit më parë ndërkohë që linjat telefonike të vëna në dispozicion nga shoqëria civile kishin dyfishim dhe trefishim të telefonatave që raportonin dhunë ndaj grave. Ende nuk është bërë një studim për këtë fakt por personalisht mendoj se kjo ndodhi gjatë periudhës së karantinës pasi gratë kishin frikë ta raportonin burrin në polici ndërkohë që e kishin 24 orë në shtëpi, dhe për fat të keq në shumicën e rasteve gratë e dinë që është burri që sjell të ardhura në shtëpi dhe mendonin më mirë të duronin dhunën se të linin fëmijët pa bukë".