Tërmeti i 21 shtatorit , duket se ''tundi" edhe qeverinë e kohët e fundit e cila së fundmi nëpërmjet një drafti ka vendosur që të nisë kontrollin e të gjitha ndërtesave në vend që janë mbi 50 vjeçare. Në këtë auditim teknik sipas draftit parashikohen të futen në "sitën" e profesionistëve të ndërtimit, si objektet publike dhe ato jo publike, nga pallatet e banimit, kopshtet, çerdhet, shkollat, deri tek pallatet e sportit, teatrot, kinematë e stadiumet. Për ato ndërtime të cilat konstatohen me mosplotësimin e kërkesave minimale të sigurisë, do të jetë Instituti i Ndërtimit që do të propozojë masat përkatëse duke hartuar një raport me të dhënat të cilat më pas do ti dërgohen bashkive. Por kjo nuk është e vetmja masë që pas tërmetit që tronditi Shqipërinë në datë 21 shtator. Këshilli i Ministrave mori vendim për të detyruar ndërtuesit që të lidhin kontrata 10-vjeçare sigurimi me blerësit. Gjithashtu asnjë leje ndërtimi nuk do të jepet pa policën e sigurimit. Por si do të bëhet kontrolli i ndërtesave të vjetra mbi 50 vjet, por edhe për cilësinë e ndërtimeve që janë sot në vend, flet drejtori i Institutit të Ndërtimit: Agron Hysenlliu. Ai nuk artikuloi në asnjë moment nëse ndërtesat e vjetra që janë të amortizuara dhe rrezikojnë banorët do të shemben por sipas tij në terma teknik ato do të çmontohen (!)