Personeli shëndetësor në këtë situatë pandemie ka qenë më i rrezikuari. Në mbarë botën janë shënuar qindra mjekë, infermierë që jo vetëm janë infektuar por edhe kanë humbur jetën. Por ka dhe nga ata që ja kanë dalë në këtë betejë. Një prej tyre është dhe infermieri shqiptar që punon prej vitesh në Spitalin e Milanos, Dritan Kreci. Dritani mendohet se është infektuar me datë 14 mars ndërkohë që i shërbente një pacienti që kishte simptoma të virusit por tamponi i rezultonte negativ. "Si infermier je vazhdimisht në kontakt me virusin edhe pa e ditur. Tani janë krijuar repartet Kovid në të gjitha spitalet. Nuk ka spital në Itali që nuk është shndërruar në reparte Kovid. Kur situata u përkeqësua në Itali pacientët e sëmurë ishin shumë në numër dhe ishte e papërballueshme edhe për vetë personalin mjekësori cili ishte dhe i papërgatitur për situatën. Mua më ndodhi me kështu me pacientin që mendoj se më infektoi. Nga simptomat ai dukej i prekur nga Kovid-19 ndërkohë që tamponi i rezultonte negativ. Kur pamë dhe radiografinë pamë që ai e kishte virusin. Për hir të vërtetës në atë periudhë ne nuk i kishim masa mbrojtëse. Kishim vetëm maskat kirurgjikale që për personeli nuk e mbante nëse nuk kishte simptoma të virusit në atë periudhë madje as pacienti nuk e kishte sepse rezultonte negativ nga tamponi. Dhe unë mendoj se ka qenë ky momenti që unë jam infektuar"- tha Dritan Kreci, infermier në Spitalin e Milanos.