Vetëm një ditë më parë Kisha Katolike vendosi me një dekret të veçantë pezullimin e të gjitha veprimtaritë fetare, përfshirë këtu edhe pelegrinazhin në Shenjtëroren e Kishës së Shna Ndoit në Laç edhe Shenjtëroren e Zojës në Shkodër, duke u sensibilizuar dhe kontribuar në këtë mënyrë në luftën globale kundër virusit Covid 19 që ka prekur edhe vendin tonë. Për Ipeshkëvin e Dioqezës së Rrëshenit, Imzot Gjergj Meta ky është jo vetëm momenti për të qenë së pari të qetë dhe së dyti me besimin se nëse do të tregohemi të kujdesshëm ne do ta fitojmë këtë betejë, por dhe të reflektojmë. Sot përmes një lidhje Skype , Imzot Gjergj Meta, Ipeshkëv i Dioqezës së Rrëshenit si një zë i rëndësishëm i klerit në Shqipëri dha mesazhet e tij për të gjithë shqiptarët.