Federata Shqiptare e Futbollit i ka ofruar një kontratë të re 4-vjeçare Edy Rejas për të vazhduar në drejtimin e kombëtares. Kjo marrëveshje nuk është konkluduar ende, por palët edhe më parë kanë shprehur gatishmërinë për të vijuar bashkëpunimin. Trajneri ka pak muaj me kuqezinjtë dhe gjatë kësaj kohe ka punuar shumë për rinovimin e grupit. Nën drejtimin e Edy Reja, Kombëtarja luajti 8 ndeshje të kualifikueseve të Euro 2020, nga të cilat fitoi 3, barazoi 1 dhe humbi 4. Bisedimet Duka-Reja janë mbajtur në Durrës, ndërsa disa prej detajeve të kontratës janë mësuar dhe bërë publike nga mediat.