Wake Up/ Iliriana Basha: Kujtoj luftën e Kosovës; 4 vjet në shpi, pa bukë dhe me frikën e vdekjes

Për bashkëshorten dhe bashkëpunëtoren më të ngushtë të regjisorit,Altin Basha situata e krijuar nga rreziku i një armiku të padukshëm siç është virusi Covid-19 i risjell në kujtesë luftën e Kosovës, kur armiku ishte i dukshëm dhe të shfaqej te dera e shtëpisë për të të vrarë. Ndaj për Ilirianën ajo që përjeton sot është dyfish më e dhimbshme. "Përpos kohës së luftës në Kosovë nuk më kishte ndodhur me u mbyll kufiri mes Shqipërisë dhe Kosovës dhe të ndahesha nga familjarët e mi. Djali im, Rroni para dy ditësh donte me shku te gjyshja në Kosovë dhe nuk arrinte ta kuptonte pse ishin mbyllur kufijtë. Ndaj për mua është dyfish e dhimbshme kjo situatë. Por po sjell statusin e një boshnjake e cila thoshte; Si nuk mund të rrini në shtëpi, kemi ndenjur 4 vite të mbyllur në shtëpi, pa buke pa ujë dhe frikën se dikush do të vijë të na vrasë. Kështu ka ndodhur me ne"- tha Iliriana.