Projekti "Bugie Meravigliose” klipi i ri i vajzës së balerinit Ilir Shaqiri ka bashkuar si asnjëherë më parë në një projekt muzikor babë e bijë. Kënga vjen në gjuhën italiane. Emily është lindur dhe rritur në Itali dhe raportin me shqipen nuk e ka shumë të mirë. Sot balerini Ilir Shaqiri dhe vajza e tij Emily në një intervistë dyshe në Wake Up na treguan jo vetëm detaje të projektit por Iliri e pa të nevojshme të sqaronte dhe t'i jepte përgjigje edhe shumë mesazheve që siç tha balerini i vijnë për arsyen se përse Emily nuk flet shqip. "Unë marr shumë mesazhe nga shqiptar që më thonë pse nuk i ke mësuar shqip vajzës dhe dua ta sqaroj këtë pjesë. Emili kupton shumë mirë shqip dhe shqipen e praktikon më shumë kur vijnë gjyshërit nga Tirana, por praktika me një gjuhë të huaj siç është shqipja për Emilin, e cila është lindur në Itali dhe ka rreth shoqëror italian është pak e vështirë"