Brenda një harku kohor jo më shumë se 24 orë në Kosovë përfundoi gjithçka dhe tani kanë nisur përgatitjet për qeverinë e re. Kosova, pra, megjithëse një shtet shumë më i ri se Shqipëria, na ka dhënë një leksion të fortë demokracie; me gjithë problematikën e vet të brendshme dhe konfliktet e jashtme (me Serbinë). Pedagogu i Shkencave Politike, Ilir Kalemaj u shpreh se fitorja më e madhe në këto zgjedhje nuk ishte ajo e Albin Kurtit dhe Vetëvendosjes por e LDK e cila si parti patriarkale, në këto zgjedhje kandidoi si kryeministre një grua që i dha fitore imazhit të kësaj partie. Ndërkohë duke hequr një paralele me Shqipërinë ai u shpreh se: "Nga ana tjetër ne kemi Edi Ramën, i cili po qëndron në pushtet më shumë se të gjithë krerët e historisë së shtetit shqiptar me përjashtim të Enver Hoxhës. Por ka gjasa që t'ia kalojë dhe atij"