Efekti që kanë barnat në organizëm natyrisht që është mjaft i rëndësishëm, pasi nëpërmjet tyre trajtohen mjaft patologji. Por mesa duket krahas efekteve pozitive, ka dhe efekte të padëshirueshme, të cilat ndikojnë drejtpërsëdrejti në organizmin dhe mendjen tonë. Sot bota po vuan një krizë të ilaçeve të tepërta; vetëm në SHBA blihen 49,000 ton paracetamol çdo vit - ekuivalent me rreth 298 tableta paracetamol për person ose ilaçe me recetë në një vlerë prej 1,200 dollarësh. Ndërsa për shkak të plakjes së popullsisë, pirja e ilaçeve ka dalë jashtë çdo kontrolli; me Mbretërinë e Bashkuar ku një në 10 persona mbi 65 vjeç, pi tashmë tetë ilaçe në javë. Por si është situata në vendin tonë, a konsumojnë më shumë se ç'duhet barna shqiptarët, dhe çfarë ndikimesh negative mund të sjellin ato në personalitetin tonë... Për këtë temë diskutuam me mjeken psikiatre, Arjana Rreli.