Rreth dy javë më parë Igli Tare u shpall menaxheri i vitit në Itali duke marrë çmimin “Scopigno e Pulici”, si vlerësimi i parë dhe më i rëndësishëm për këtë pozicion drejtues në futboll. Ai ka 12 vite që punon për ekipin e Lacios duke rezultuar një ndër emrat kyç për suksesin e skuadrës dhe si shqiptari i vetëm që mban këtë pozicion të lartë në nivel evropian. Ekipi në fjalë duket se ka besim të plotë tek Tare, i cili ndër vite ka treguar se është një maestro i blerjeve të zgjuara. Tare mbetet një ndër emrat më të mirë të futbollit shqiptar që na ka bërë krenarë në 68 ndeshje me kombëtaren për të vijuar më tej karrierën jashtë vendit në pozicione drejtuese. Ai është i martuar dhe kanë dy djem me bashkëshorten gjermane. Duhet se edhe ata e kanë trashëguar talentin për futbollin, kryesisht djali i madh Etienne i cili luan me ekipin e dytë të Lacios.