Igli Tare, një nga shqiptarët më të suksesshëm në pozicione drejtuese në futboll, foli sot në "Wake Up" për ofertat e ndryshme që ka marrë duke përfshirë këtu edhe drejtimin e kombëtares shqiptare. "Kam pasur disa herë oferta për të drejtuar kombëtaren. Është kënaqësi që eksperiencën time një ditë ta vendos në funksion të futbollit shqiptar."-u shpreh Igli. Ai shtoi se Partizani mbetet ekipi i tij i preferuar dhe hera e fundit që ka parë një ndeshje të kombëtares ka qenë ajo me Francën. Po ashtu dy vite më parë Tare ka marrë edhe një ofertë për të drejtuar klubin e Milanit, të cilën e ka refuzuar me vështirësi ndonëse në fëmijërinë e tij Milani ka qenë skuadra e zemrës.