Sy dhe lëkurë e skuqur, i kërrusur, këmbët me variçe, obez, barkmadh, dhe pa shpatulla dhe qafë…Ky është identikiti i njeriut të së ardhmes për shkak të punës në zyrë. Këtë pohon studimi nga Kolegji i Punës dhe Ardhmërisë i cili ka grumbulluar të dhënat e një sondazhi nga më shumë se 3000 punonjës zyrash në Francë, Gjermani dhe Britaninë e Madhe të cilat janë befasuese. Organizata Botërore e Shëndetësisë i ka shpallur sëmundjet profesionale si problematike kudo në botë. Ato nisin nga problemet me sytë, shtyllën kurrizore dhe deri tek puna sedentare e profesionistëve. Në botë, por edhe në Shqipëri mjekët thonë se rreth 50-90 % e njerëzve në kontakt me kompjuterin vuajnë nga sindroma vizive. Studimet tregojnë se në Britaninë e Madhe 50 % e punonjësve në zyra kanë probleme më sytë, 48 % vuajnë nga dhimbja e shpinës dhe 48% nga dhimbja e kokës. Lidhur me këto rezultate të “frikshme” për të ardhmen diskutuam sot në studio me fizioterapistin Ilvi Begolli për të mësuar se si mund të shmangim sadopak faktorët që ndikojnë negativisht nga të punuarit në zyrë.