Nëse i keni prenotuara pushimet apo udhëtimet tuaja për në verë, që në muajt e parë të vitit, atëhere kur askush nuk e dinte se çfarë na priste nga Covid-19, agjencitë do të jetë të detyruara t’ju japin një kupon, ose t’ju rimbursojnë brenda një viti. Agjencive turistike tashmë u është shpërndarë një akt normativ, me propozimin e ministrit të Turizmit dhe Mjedisit, i cili ka për objekt përcaktimin e masave të veçanta që do të merren në sektorin e turizmit, për agjencitë e udhëtimit, operatorët turistikë dhe klientët e tyre, në ofrimin e një shërbimi udhëtimi, nga dita e shpalljes deri në përfundim të gjendjes së fatkeqësisë natyrore të shkaktuar nga COVID-19. Agjencitë e këtij sektori ndërkohë pohojnë se rimbursimi me udhëtim tjetër brenda fundit të 2021-shit, mund të bëhet edhe me një destinacion tjetër: Pra, nëse kishe prenotuar në Turqi, mund të të çojnë edhe në Greqi me të njëjtën vlerë pakete.