Motër File Gështenja është një personazh shumë i dashur për komunitetin e Fushë Milotit, por jo vetëm. Ajo shërben aty prej vitesh, duke i ndihmuar banorët e zonës së bashku me motrat e tjera që jetojnë në këtë qendër. Ne do të mësojmë sot më shumë lidhur me historinë e saj, çfarë e shtyu në këtë rrugë dhe si është përshtatur me këtë lloj jetese që jo çdokush mund ta përballojë. Ajo ka studiuar për degën e psikologjisë dhe ky fakt e ka ndihmuar shumë që të kuptojë të tjerët dhe t’iu vijë atyre në ndihmë përmes misionit të saj. Motër File është bërë e njohur edhe në Top Channel, me programin “100 Milion”, ku me shumën e fituar kontribuoi për të ndërtuar një kënd lojërash në Fushë-Milot.