"Artizanët e rinj", bashkon të rinjtë e talentuar që duan të promovojnë krijimet e tyre. Fokusi i këtij panairi është tek punët e shumta që realizohen me dorë dhe që janë një vlerë e ҫmuar e trashëgimisë kulturore dhe si një atraksion për turistët e huaj. Puna për këtë projekt ka nisur prej tre muajsh dhe të gjitha punimet do të jenë të ekspozuara në sheshin "Skënderbej" nga 20-22 dhjetor. Në këtë panair do të jenë krijime të nxënësve të gjimnazit profesional "Hamdi Bushati" në Shkodër, gjimnazistë të Tiranës si edhe instrumentistë nga Mirdita të cilët do të prezantojnë muzikën folklorike me instrumentin e ҫiftelisë. Duke qenë se jemi në prag festash, kjo është edhe një mundësi e mirë për të treguar se sa të larmishme janë krijimet e të rinjve shqiptarë të cilët nuk e kanë harruar artizanalen, kulturën dhe traditën shqiptare.